أرشيف » يناير, 2013 «

المّيمة

المّيمة، القمر اليوم يشرق فسمايا
و بنوره خلا ضلام ليلي مرايا
فيها نشوف زينه و حلاه
و نسمع همسه يغرد معايا

المّيمة، غزالة و آشمن غزالة
من نهار غابت و حالتي حالة
عايش فضلامي، مخاصم منامي
عييت صابر و صبري تسالا

المّيمة، برضاك نشوف الحباب
فهواهم نكتب ألف كتاب
نقرا و نسمّع الناس كلامي
نخرج همومي و نسد الباب

المّيمة، رجوعهم حفلة و عيد
حلوى، دبايح، آتاي و تريد
الحومة الليلة عندي معروضة
نغني، نشطح، نزغرت و نزيد

التصنيفات: خواطري  اترك تعليقك

المزوقة

زوقت الباقي من عمري
و عطيتولك كامل

قالو بزاف عليها
قلت تستاهل

قالو حضيك من الشينة
نضت عليك نتقاتل

غدرتي بيا فغفلة
و انا فعسلك غافل

يا المزوقة من برا
آش خبارك ملداخل؟

التصنيفات: زجل  اترك تعليقك

هجائي

يا من مدحت في أشعاري
سأوفّيك اليوم هجائي

اخترتك في يوم قربي
و وهبتك ثقتي و وفائي

سميتك مولاتي شططاً
و وضعتك تاجاً لنسائي

أعطيتك قلبي و عيوني
و لأجلك رقرقت دمائي

أبدلتك خوفك بأماني
أعفيتك من كل عناء

المزيد »

التصنيفات: خواطري  تعليق واحد