الواد

photo (11)الواد عمر
و العمر قصير
و عمري واد من بكري داني

خرجت مسافر، نقلب ما ندير
و بحق الرجال يعرفني زماني

كنت بوهالي، كنت صغير
ما شفت فالدنيا، ما طاحو سناني

نفكر فحوالي، نهيم و نحير
لا من فهمني لا من رساني

تعريت ليالي و جعت كتير
و وسوخات الدنيا كانت ناقصاني

رفعت كفوفي لله القدير
و من نعمة ربي جات الاماني

ركبت و شبعت و لبست الحرير
دخلني يبليس و بالخف غواني

نسيت المحتاج نسيت الفقير
و وليت من بعد النعمة أناني

بدات مع الوقت الصحة كتطير
و رضاة الوالدة بدات تنساني

وليت نطلب ربي الكبير
يردني كيف ما كنت فزماني

بعداتني الدنيا على طريق الخير
تمنيت نرجع بوهالي من تاني

التصنيفات: زجل
تستطيع متابعة أي ردود على هذه التدوينة من خلال RSS 2.0 feed.تستطيع أن تترك تعليق, أو Trackback من موقعك الشخصي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *